Kërkoi seks për të dhënë drejtësi, KLD shkarkon kryegjyqtarin e Gjirokastrës
October 28, 2016
Këshilli i Lartë i Drejtësisë ka vendosur që të shkarkojë kryegjyqtarin e Gjirokastrës, Guximtar Boçi.
Vendimi u mor në një mbledhje urgjente që organizoi pas publikimi të regjistrimeve audio, ku një grua e denoncoi për kërkesa për favore seksuale.
Këshilli i Lartë i Drejtësisë ka vendosur në mënyrë unanime për shkarkimin e kryegjyqtarit Boçi.
Rudina M., kishte një çështje gjyqësore për disa prona dhe kreu i gjykatës së Gjirokastrës në takimet që kishte zhvilluar me të, i kishte kërkuar që të bëhej e dashura e tij, ndërsa ishte përpjekur edhe ta puthte.
Ndërkaq Prokuroria e Krimeve të Rënda ka nisur një hetim për akuzat e “korrupsionit” dhe “shpërdorimit të detyrës”, ndaj ish-gjyqtarit Boçi.