7 Marsi, kryebashkiakja e Libohovës drekon me mësuesit: Të ruajmë traditën arsimdashëse (FOTO)

Kryebashkiakja e Libohovës Luiza Mandi ka qenë dje mes mësuesve të Libohovës në drekën e 7 Marsit, për t’i uruar nga afër për festën e tyre.

Të pranishëm në drekë ishin edhe mësuesit “veteranë”, për të cilët Mandi thotë se “për ne janë mësues të përjetshëm për aq shumë sa na kanë dhënë ndër vite”.

“Tradita arsimdashëse e Libohovës, Zagories, Nepravishtës, Labovës etj, është një vlerë e shtuar e gjithë krahinës tonë. Të gjithë së bashku kemi detyrimin për të ruajtur dhe çuar më tej këtë traditë. Sigurisht që kjo përpjekje e përbashkët bëhet më e lehtë nëse tregojmë gjithnjë mbështetje për mësuesit dhe edukatorët”, shkruan Mandi në faqen e saj në Facebook.