O njeri i mirë- Nga Edmond Çano

 

 

 

 

O njeri i mirë
O njeri me halle
Paç jetë të bukur
Gëzime e valle

Paç njerëzinë
Që të lanë të parët
E mos u helmofsh
Kurrë nga zuzarët

Mos i kalo caqet
Ku mbaron llogjika
Se është veç një kurvë
E gjithë politika

Ata që u rrite
Shokun edhe shoqen
Mos i injoro
Për kryetar koqen

Ne këtu do jemi
Majat do të ndërrohen
Ata që u rrite
Kurrë nuk harrohen

Në ata përbuze
Për ngjyrat e tua
Var një gur në qafë
E mbytu në përrua

Unë nuk jam i zgjuar
Që të bëj profetin
Po njësoj i dua
Të varfrin dhe mbretin

Zgjedhjet politike
Vijnë edhe shkojnë
E me hap të breshkës
Jetën na ndryshojnë

Është e shkurtër jeta
Të rrimë të helmuar
Ylbejtë t’i mbajmë
Tok duke kënduar.