Rrëzimi i Urës së Hoshtevës, reagon dhe Koço Kokëdhima: Rroftë Rilindja! Qeveria ishte e zënë me FSHF-në
![](https://www.libohovaonline.com/wp-content/uploads/2018/02/ca0afad4-ff0f-4f03-a785-d5f113c0ea78_1518097723-3269720.jpg)
Partia “Zgjidhja” e drejtuar nga Koço Kokëdhima ironizoi qeverinë, pas lajmit të dhimbshëm të rrëzimit të dy urave shekullore në Libohovë dhe Kolonjë. Në një reagim në Facebook, “Zgjidhja” u shpreh: “Urat historike u shembën! Rroftë Rilindja!” dhe me sarkazëm u shpreh se qeveria e tutkunëve nuk kishte kohë për t’i restauruar e mbrojtur, ngaqë ishte e zënë me planin për kapjen e drejtimit të FSHF-së
Statusi
Ura 300-vjeçare e Orgockës në Kolonjë dhe ajo 200-vjeçare e Hoshtevës në Libohovë nuk janë më. Këto vepra arti disa shekullore dhe pjesë e trashëgimisë kulturore të Shqipërisë u zhdukën sepse kjo qeveri tutkunësh nuk kishte kohë për t’i restauruar e mbrojtur, ngaqë ishte e zënë me planin për kapjen e drejtimit të FSHF-së.
ZGJIDHJA denoncon me shqetësim dhe indinjatë të thellë këta zyrtarë të lartë që zhdukin në një ditë të vetme thesare dhe dëshmi kulturore e historike që nuk i zhdukën dot shekujt.
#ZgjidhjaPërShqipërinë.