Lazarat, gjimnazistët sulmojnë policinë dhe gazetarët, tre të plagosur

Qëllohen me gurë forcat e policisë në Lazarat. Ngjarja ndodhi pak momente më parë në qendër të komunës, ku aktualisht po patrullojnë vetëm 3 patrulla policie. Nuk dihet ende pse ka ndodhur ky tensionim i gjendjes, për herë të parë pas 6 muajsh nga superaksioni antidrogë. 

Disa gjimnazistë qëlluan me gurë policinë mesditën e sotme në Lazarat, duke plagosur 3 prej tyre. Incidenti është shënuar në qendër të Lazaratit ku ishte parashikuar të zhvillohej një protestë paqësore e nxënësve të gjimnazit. Mësohet ata kanë qëlluar me gurë policinë por dhe grupin e gazetarëve që kishin shkuar për të ndjekur ngjarjen.