Luiza Mandi takohet me banorë të Suhës e Stegopulit, premton investime në infrastrukturë [FOTO]

Kandidatja e koalicionit të majtë për Bashkinë Libohovë, Luiza Mandi, i rikthehet edhe njëherë takimeve të saj elektorale në fshatrat e zonës përreth. Së fundmi ajo është ndalur në Suhë e Stegopul, ku bisedoi me banorët dhe kërkoi prej tyre mbështetje me votë në 21 qershor.

“Kam gjithë mbështetjen e qeverisë, për të realizuar ato investime për të cilat ju keni nevojë të menjëhershme. Rruga nga kthesa e Libohovës e deri në Zagorie do të jetë prioritet i punës time, prandaj kërkoj votëbesimin tuaj. Fjala ime është puna dhe unë kërkoj një mundësi për të bërë ato që s’janë bërë për gjithë këto vite me radhë”- ka thënë Mandi.