Mbollën 80 rrënjë kanabis në oborrin e banesave, kapen dy të rinj nga Lazarati

Dy të rinj nga Lazarati janë ndaluar nga policia. S.B. 26 vjeç dhe A.B, 21 vjeç, banues në fshatin Lazarat, dyshohet se kanë bashkëpunuar me njëri-tjetrin për kultivim të kanabisit.

Policia e Gjirokastrës thotë se gjatë kontrollit të ushtruar në banesën e këtyre dy shtetasve, u gjetën fidanë kanabisi të kultivuar në oborr.

Materialet në ngarkim të shtetasve të mësipërm i kaluan Prokurorisë Pranë Gjykatës së Shkallës së Parë Gjirokastër për hetime të mëtejshme.