Roland Bejko: Prisja të isha drejtues i PD në Gjirokastër. Pyesni Bashën pse nuk u zbatua vendimi i komisionit për skualifikimin e Tritan Shehut

Ish-drejtuesi i PD-së Gjirokastër dhe anëtari i Këshillit Kombëtar të PD, Roland Bejko është shprehur se priste që të përzgjidhej ai nga Basha si drejtues politik i PD-së në Qarkun e Gjirokastrës.

I ftuar këtë të enjte në emisionin PolitikOn nga Alfred Lela në RTV Ora, Bejko u shpreh se priste që të ishte vetë në krye të listës së Gjirokastrës, për shkak të propozimeve të shumta nga baza dhe të një sondazhi. Ai shtoi më tëj se kishta hartuar dhe në program që synonte që PD të merrte dy deputetë në Gjirokastër në zgjedhjet e përgjithshme të 25 prillit dhe most ë shpresohej të merrej nga LSI-ja.

Bejko: Kam pritur që të isha i pari në listë, për shkak edhe të propozimeve të shumta që erdhën edhe nga Qarku i Gjirokastrës dhe të një sondazhi që u bë dhe mendova se do isha unë. Por, gjithsesi politika kështu e ka dhe ata që morën vendimin e kanë gjykuar në formë të tillë që të ishte zoti Shehu aty. Do doja që të isha vetë sepse kisha paraqitur një plan, një program aty që synonim që i dyti të merrej nga PD dhe mos të shpresohej të merrej nga LSI-ja.

Ndërkohqë që tani jemi në të tjera pozita sepse kështu është dhe konfigurimi lokal aty. Unë dua të mbështetem më shumë te parimi sesa te individi. Unë kam luftuar fort për një sistem tjetër të përzgjedhjes së kandidatëve, kam luftuar për sistemin e primareve ku do të ishin votuesit ata që do të zgjidhnin kandidatët e vetë dhe kjo do të ishte më demokratike dhe më e lehtësuar.

Lela: Nuk ishte thjesht ardhja e Tritan Shehut, por ishte ardhja e një personi të skualifikuar nga Komisioni të ngritur po nga Basha.

Bejko: Kjo është një pyetje që duhet t’i drejtohet zotit Basha, sepse unë nuk di as mekanizmin dhe as arsyen pse ndodhi kjo gjë. Nuk di arsyen pse nuk u zbatua vendimi i komisionit, por doli jashtë vendimit të komisionit. Ajo që dua të them unë është kjo që ndoshta kanë gjykuar që ky zotëria apo zotërnj të tjerë, të cilët mund të rifuten për shkak të një vendimi të komisionit do të jenë ata që do të sjellin më shumë vota dhe elementi pragmatist mund të ketë dominuar mbi rregullin.

Lela: Ishte zoti Shehu më i votuari, apo ishit ju?

Bejko: Isha unë, por s’isha vetëm unë. Ideja është këtu që PD ka një statut që thotë që kryesia e PD, kryetari, Këshilli Kombëtar janë ato që definojnë kandidaturat dhe kjo është statuore dhe unë mendoj se statutit prevulon mbi udhëzimet.