Tregu në Gjirokastër, produkte mes pluhurit dhe insekteve (VIDEO)
Kushtet e tregtimit të produkteve ushqimore për më tepër siguria e tyre në vendin tonë vijon jashtë vëmendjes për të gjithë. Në dekada ky fenomen nuk merr asnjëherë zgjidhje. Në çdo qytet, në çdo lagje, në rrugicat pranë banesave në Shqipëri do të mund të gjeni njerëz që dalin në rrugë për të shitur produkte ushqimore. Këtë herë do të ndalemi në Gjirokastër. Sikurse e shihni nga pamjet e A1Report çdo produkt konsumi e gjeni të shtrirë në këtë rrugicë. Tregtarët duken të kënaqur me shitjet, ata nuk shpenzojnë asgjë për aktivitetin e tyre, mjafton ta shesin atë, qoftë edhe të ndotur. Pluhuri, insektet dhe ekspozimi i mallit mes ndotjes nuk përbën shqetësim për ta. Tregtarët kërkojnë të sigurojnë para për familjet e tyre, pa u shqetësuar
As konsumatorët që zgjedhin këtë treg nuk duan t’ia dinë për cilësinë e ushqimit që fusin në organizmin e tyre. Ata nuk ngurrojnë të provojnë produktet në moment, produkte që pak më parë i kanë shijuar insektet.
Ngritja e një vendi të përshtatshëm për tregtimin e këtyre prodhimeve, është shqetësim për tregtarët që e paguajnë faturën për vendin njësoj si në një treg. Shqetësim është edhe konsumatorët, por ende jo për bashkinë dhe institucionet e tjera përgjegjëse.